19-августта Кыргыз Республикасынын Жаратылыш ресурстары, экология жана техникалык көзөмөл министринин орун басары Асель Кадыржановна Раимкулованын жетекчилигиндеги делегация ишканада экологиялык башкаруунун абалы менен таанышуу максатында ЧПК «Джундага» барды.

Делегацияны ишкананын башкармалыгынын төрагасы Ли Хао жана башкы директору коштоп жүрүштү. Министрликтин өкүлдөрү заводдун биринчи кезектеги өндүрүш аймагын жана мунай продуктуларынын сапатын жогорулатууга багытталган модернизациялоо долбоорунун курулуш аянтчасын көрүп чыгышты. Иш сапардын жүрүшүндө өндүрүштүк жабдуулардын абалына, жаратылышты коргоочу объекттердин иштешине, экологиялык көзөмөлдүн уюштурулушуна жана өндүрүштүн айлана-чөйрөгө тийгизген таасирин азайтуу боюнча чараларга өзгөчө көңүл бурулду.

Ишкананын башкармалыгынын төрагасы Ли Хао делегацияга заводдун өнүгүшү жана айлана-чөйрөнү коргоо багытында жүргүзүлүп жаткан иштер тууралуу кеңири маалымат берди. Ал завод негизделгенден бери ишкана Кыргыз Республикасынын мыйзамдарын жана ченемдик укуктук актыларын так сактап келерин белгиледи. Ошондой эле айлана-чөйрөнү коргоо ишкананын туруктуу жана мыйзамдуу ишмердүүлүгүнүн негизги шарттарынын бири экенин баса белгиледи. Ишкана экологиялык башкаруу системасын үзгүлтүксүз өркүндөтүп, жаратылышты коргоо инфраструктурасын жаңыртып келет. 2025-жылы компания Кыргыз Республикасында тиешелүү экологиялык документке ээ болуп, ишмердүүлүгүн белгиленген талаптарга ылайык жүргүзүүнү камсыз кылууда маанилүү кадам жасаган.

Учурда өндүрүштү модернизациялоо долбоору ишке ашырылып жатат. Аны 2026-жылдын декабрь айынын аягына чейин аяктоо пландалууда. Долбоор заманбап технологиялык чечимдерди киргизүүнү жана тиешелүү жаратылышты коргоо объекттерин курууну камтыйт. Бул өндүрүштүн экологиялык коопсуздугун жогорулатууга мүмкүндүк берет.

Модернизация аяктагандан кийин мунай продуктуларынын сапаты Евро-5 стандартына шайкеш келип, алардын курамындагы күкүрттүн өлчөмү кыйла азаят. Мындан тышкары, күкүрттү кармоо жана кайра иштетүү, саркынды сууларды тазалоо, технологиялык газдарды жабык системада күйгүзүү, ошондой эле өндүрүштөн чыккан газдарды, саркынды сууларды жана катуу калдыктарды талаптагыдай иштетүү системаларын өнүктүрүү каралган. Бул чаралар зыяндуу заттардын бөлүнүп чыгышын кыскартып, ишкананын айлана-чөйрөгө тийгизген таасирин азайтууга өбөлгө түзөт.

Асель Раимкулова компаниянын экологиялык башкаруу жаатында жүргүзүп жаткан иштерине оң баа берди. Ал мунайды кайра иштетүүчү ишканалар өлкөнүн энергетикалык коопсуздугун камсыз кылууда маанилүү роль ойной турганын белгиледи. Ошондуктан Кыргыз Республикасынын Өкмөтү мындай ишканаларды өнүктүрүүгө жана экологиялык талаптардын сакталышына өзгөчө көңүл бурат.

Анын айтымында, Жаратылыш ресурстары, экология жана техникалык көзөмөл министрлиги өз ыйгарым укуктарынын чегинде зарыл колдоо көрсөтүүнү улантат. Анын ичинде экологиялык жол-жоболордон өтүүгө жана ишкананы техникалык жактан модернизациялоо иштерин жүргүзүүгө көмөк көрсөтүлөт.

Сөзүнүн соңунда министрдин орун басары экологиялык башкарууну эл аралык стандарттарга ылайык мындан ары да өркүндөтүүнүн маанилүүлүгүн белгиледи. Ал ЧПК «Жунда» жаратылышты коргоо чараларын күчөтүүнү улантып, модернизациялоо долбоорун ишке ашырууну тездетет жана экологиялык жоопкерчиликтүү, көмүртек чыгындылары аз өндүрүштү ырааттуу өнүктүрөт деген ишенимин билдирди.

Учурда өндүрүштү модернизациялоо долбоору ишке ашырылып жатат. Аны 2026-жылдын декабрь айынын аягына чейин аяктоо пландалууда. Долбоор заманбап технологиялык чечимдерди киргизүүнү жана тиешелүү жаратылышты коргоо объекттерин курууну камтыйт. Бул өндүрүштүн экологиялык коопсуздугун жогорулатууга мүмкүндүк берет.

Модернизация аяктагандан кийин мунай продуктуларынын сапаты Евро-5 стандартына шайкеш келип, алардын курамындагы күкүрттүн өлчөмү кыйла азаят. Мындан тышкары, күкүрттү кармоо жана кайра иштетүү, саркынды сууларды тазалоо, технологиялык газдарды жабык системада күйгүзүү, ошондой эле өндүрүштөн чыккан газдарды, саркынды сууларды жана катуу калдыктарды талаптагыдай иштетүү системаларын өнүктүрүү каралган. Бул чаралар зыяндуу заттардын бөлүнүп чыгышын кыскартып, ишкананын айлана-чөйрөгө тийгизген таасирин азайтууга өбөлгө түзөт.

Асель Раимкулова компаниянын экологиялык башкаруу жаатында жүргүзүп жаткан иштерине оң баа берди. Ал мунайды кайра иштетүүчү ишканалар өлкөнүн энергетикалык коопсуздугун камсыз кылууда маанилүү роль ойной турганын белгиледи. Ошондуктан Кыргыз Республикасынын Өкмөтү мындай ишканаларды өнүктүрүүгө жана экологиялык талаптардын сакталышына өзгөчө көңүл бурат.

Анын айтымында, Жаратылыш ресурстары, экология жана техникалык көзөмөл министрлиги өз ыйгарым укуктарынын чегинде зарыл колдоо көрсөтүүнү улантат. Анын ичинде экологиялык жол-жоболордон өтүүгө жана ишкананы техникалык жактан модернизациялоо иштерин жүргүзүүгө көмөк көрсөтүлөт.

Сөзүнүн соңунда министрдин орун басары экологиялык башкарууну эл аралык стандарттарга ылайык мындан ары да өркүндөтүүнүн маанилүүлүгүн белгиледи. Ал ЧПК «Джунда» жаратылышты коргоо чараларын күчөтүүнү улантып, модернизациялоо долбоорун ишке ашырууну тездетет жана экологиялык жоопкерчиликтүү, көмүртек чыгындылары аз өндүрүштү ырааттуу өнүктүрөт деген ишенимин билдирди.