Иш сапардын алкагында ал “Джунда”заводун масштабдуу модернизациялоо уланып жаткан өнөр жай аянтчасында көчмө текшерүү жүргүздү. Модернизациялоонун максаты-өндүрүмдүүлүктү жогорулатуу жана экологиялык коопсуздукту камсыз кылуу үчүн жабдууларды жана өндүрүш процесстерин жаңыртуу жана өркүндөтүү.
Модернизациялоону тездетип аяктоо үчүн 200дөн ашык жогорку квалификациялуу адистер тартылган. Келечекте пландаштырылган бардык иш-чараларды ишке ашырууну тездетүү үчүн алардын санын 800гө чейин көбөйтүү пландалууда. Иш сапардын жүрүшүндө тургундардын арыздары да козголду. “Джунда” ЧПК компаниясы конструктивдүү диалогго ачык жана өз ишмердүүлүгүнүн ачык-айкындыгын көрсөтүүгө, анын ичинде атмосферага чыгаруулардын иш жүзүндөгү деңгээли жөнүндө маалыматтарды берүүгө даяр. Мындан тышкары, жакынкы арада тургундар үчүн ачык эшиктер күнүн өткөрүүнү пландаштырып жатабыз. Иш-чаранын алкагында ар бир каалоочу ишкананын иши менен жеке таанышып, заводдун адистерине кызыккан суроолорун бере алат.
