7-майда Кыргыз Республикасынын Министрлер кабинетинин төрагасынын орун басары Эрлист Акунбеков биздин заводго келип, ишкананы модернизациялоонун жүрүшү менен таанышты.
Хуан Цян баштаган компаниянын жетекчилиги менен жолугушуунун жүрүшүндө жергиликтүү бийлик өкүлдөрүнүн катышуусунда заводду модернизациялоонун ийгиликтүү аякташына, иш процессинде пайда болгон милдеттердин чечилишине, ошондой эле компаниянын май куюучу жайлары тармагын жана индустриалдык паркты өнүктүрүүгө байланышкан маселелер талкууланды.
Компаниянын жетекчилиги модернизациянын учурдагы этабы, ишке ашырылып жаткан өндүрүштүк өзгөрүүлөр жана ишкананы андан ары өнүктүрүү пландары тууралуу маалымдады. Өндүрүштүк кубаттуулуктарды көбөйтүү, жаңы жумуш орундарын түзүү жана региондун өнөр жай потенциалын чыңдоо маселелерине өзгөчө көңүл бурулду.
Жолугушуунун жыйынтыгында тараптар инвестициялык жана өндүрүштүк долбоорлорду ийгиликтүү ишке ашыруу үчүн мамлекет менен бизнестин натыйжалуу өз ара аракеттенүүсүнүн маанилүүлүгүн баса белгилешти.
